देशाचे संरक्षण करणाऱ्या संरक्षण मंत्रालयातुन राफेलची फाईल कशी चोरी होते ?
छगन भुजबळ यांचा सरकारला सवाल
निफाड, दि.७ (प्रतिनिधी) : साडे पाचशे कोटीचे राफेल विमान १६५० कोटी रुपयांना का खरेदी का केले याचे उत्तर देण्यात अपयशी ठरलेल्या सरकारने आता राफेल खरेदीची फाईल चोरीला गेल्याचे सांगून प्रकरण दाबण्याचा प्रयत्न केला असल्याने देश का चौकीदार चौकन्ना है की नही असा सवाल त्यांनी उपस्थित करून छगन भुजबळ यांनी मोदी सरकारवर घणाघात केला आहे.आज त्यांच्या हस्ते येवला मतदारसंघातील विविध विकासकामांचे भूमिपूजन व लोकार्पण पार पडले त्यावेळी ते बोलत होते.
यावेळी कोळपेवाडी साखर कारखान्याचे चेअरमन आशुतोष काळे, माजी आमदार धनराज महाले,दिलीप बनकर, बाजार समितीचे सभापती जयदत्त होळकर,जिल्हा परिषदेचे माजी अध्यक्ष पंढरीनाथ थोरे, काँग्रेसचे गुणवंत होळकर, अशोक गवळी, विधानसभा अध्यक्ष वसंत पवार, पंचायत समिती सदस्य शिवा सुराशे, संजय शेवाळे, हरिश्चंद्र भवर, राजेंद्र मोगल, विनोद जोशी, भाऊसाहेब बोचरे, भारती गवळी, उन्मेष डुंबरे, राजेंद्र डोखळे, सुभाष कराड, दत्ता रायते, सागर कुंदे, उत्तमराव वाघ, पांडुरंग राऊत, मंगेश गवळी, राजाराम सानप, शिवाजी सुपनर, सरपंच चारुदत्त आढाव, संतोष खैरनार आदी उपस्थित होते.
यावेळी छगन भुजबळ म्हणाले की, मोदी सरकारने राफेल विमानाची खरेदी साडे पाचशे कोटींना न करता तब्बल १६५० कोटी रुपयांना खरेदी करत आहे.तसेच त्याचे कंत्राट एचएएल सारख्या अनुभवी कंपनीला न देता अनिल अंबानीच्या नवख्या कंपनीला दिले. याबाबत देशातील जनतेकडून विरोधी पक्षाकडून खुलासा मागितला जात असतांना आत्ता चक्क फाईल चोरीला गेल्याचे सरकारकडून सांगण्यात येत असून घोटाळा लपविण्याचा सरकारचा प्रयत्न असल्याने चौकीदार चौकन्ना नहीं क्या असा सवाल उपस्थित केला. जर राफेलची कागदपत्रे चोरी होतात तर विकास कामाच्या कागदपत्रांचे काय होत असेल अशी उपरोधी टीका छगन भुजबळ यांनी केली.
ते म्हणाले, सरकारकडून एकीकडे सन्मान योजनेच्या नावाखाली दोन हजार रुपये अनुदान शेतकऱ्यांना दिले आणि काही वेळातच काढून घेतल्याने शेतकऱ्यांच्या दृष्टीने जाहीर केलेली सन्मान योजना नाही तर अपमान योजना असल्याची टीका छगन भुजबळ यांनी केली. डॉ. बाबासाहेब आंबेडकर यांनी दिलेल्या संविधानाची पायमल्ली मोदी सरकारकडून होत असून आगामी निवडणूक ही स्वातंत्र्याची लढाई असल्याचे त्यांनी सांगितले. हे सरकार जनतेच्या हिताचे नाही यांना पायउतार करण्याची गरज असल्याचे आवाहन त्यांनी केले.
महाराष्ट्रात केवळ येवला मतदारसंघातील ३८ गाव व १६ गाव पाणी पुरवठा योजना यशस्वीपणे सुरू असून देशभरात त्याचे कौतुक झाले आहे.परराज्यातील अधिकाऱ्यांनी याठिकाणी पाहणी केली आहे. या योजनेबाबत नव्याने पाईपलाईन दुरुस्ती व विजेचा प्रश्न कायमस्वरूपी मार्गी लावण्यासाठी शासन स्तरावर प्रयत्न सुरू आहे. ज्या ठिकाणी अजून पाण्याची टाकीचे काम आवश्यक आहे ते मार्गी लावले जाईल. तसेच मतदार संघात अपूर्ण राहिलेल्या कामाचा संपूर्ण बॅकलॉक भरून काढू असे आश्वासन भुजबळ यांनी दिली.
यावेळी माजी आमदार धनराज महाले, बाजार समितीचे सभापती जयदत्त होळकर, भाऊसाहेब भवर यांनी मनोगत व्यक्त केले.
भुजबळ यांचे हस्ते आज निफाड तालुक्यातील पिंपळगांव येथे पद्मश्री नानासाहेब धर्माधिकारी प्रतिष्ठातण फोटो अनावरण, खंडेराव महाराज मंदिर सभामंडप कामाचे भुमिपूजन, शास्त्री नगर येथे भुमिगत गटार बांधणे भुमिपूजन, श्रीरामनगर येथे भुमिगट गटार बांधणे भुमिपूजन, शास्त्रीगनगर अंगणवाडी स्टोअर व किचन रुम इमारतीचे लोकार्पण, मारुतीमंदिर ते वाकी रोड कॉंक्रिटीकरण करणे भुमिपूजन, पिंपळग फिल्टीर वॉटर एटीएम भुमिपूजन, ब्राम्हंणगांव विंचूर येथील अल्पएसंख्यां क वस्तीपत रस्ताभ कॉंक्रिटीकरण कामाचे भुमिपूजन, दलितवस्ती रस्ताा कॉक्रिटीकरण कामाचे भुमिपूजन (रु.15 लक्ष), 14 व्या वित्तआयोगातुन वार्ड क्र. 1 व 3 मध्ये (भुमिगत गटार कॉंक्रिटीकरण कामाचे लोकार्पण, पाचोरे बु येथे जलयुक्त शिवार अभियान मधील बंधाऱ्याचे भूमिपूजन देवगांव येथे ठक्कंरबाप्पाज योजनेंतर्गत अदिवासी वस्तीत बांधलेले सभागृहाचे लोकार्पण, व्याापारी गाळे कामाचे लोकार्पण, दलित वस्तीातील सभागृहाचे लोकार्पण, अल्पमसंख्यांक वस्तींत रस्तात कॉक्रिटीकरणाचे कामाचे लोकार्पण, मोठ्या ग्रामपंचायतींना नागरीसुविधा योजनेंतर्गत रस्ता कॉक्रिटीकरण कामाचे लोकार्पण, मोठ्या ग्रामपंचायतींना नागरी सुविधा योजनेंतर्गत बाजारतळ कॉक्रिटीकरण कामाचे भुमीपूजन, मुलभूत सुविधा योजनेंतर्गत रस्ता कॉक्रिटीकरण व भुमिगत गटार करणे कामाचे भुमिपूजन, 14 व्याज वित्त आयोगातुन गावांतर्गत रस्ता कॉक्रिटीकरण कामाचे भुमिपूजन, दलितवस्तीत व्याययामशाळा कामाचे भुमिपूजन करण्यात आले. तसेच देवगांव येथे जनसुविधा योजनेतुन दशक्रिया विधी शेड बांधणे कामाचे भुमिपूजन, जनसुविधा योजनेतुन ग्रामपंचायत इमारत बांधणे व 14 व्या वित्त आयोग इमारत बांधकामाचे भुमिपूजन, 14 व्याच वित्त आयोगातुन भुमिगत गटार बांधणे कामाचे भुमिपूजन, दलितवस्ती सुधार योजनेतुन भुमिगत गटार बांधणे कामाचे भुमिपूजन, वनसगांव येथे मुलभूत सुविधा अंतर्गत ग्रामपंचायत कार्यालय लोकार्पन, व्यापारी गाळ्यांचे लोकार्पण, वनसगांव येथे डॉ. बाबासाहेब आंबेडकर सभागृहाला संरक्षण भिंत भुमिपूजन, लासलगांव, येथे ग्बांधलेल्या क्रिकेट, फुटबॉल, योगा, कबड्डी क्रीडांगणाचे उद्घाटन त्यांच्या हस्ते पार पडले.
कोणत्याही टिप्पण्या नाहीत:
टिप्पणी पोस्ट करा